Мисија
Мисија на Факултетот за информатика е да им обезбеди на студентите врвно образование во областа на математиката, компјутерските науки и технологии, поттикнувајќи ја нивната креативност, одговорност, истражувачки дух и тимска работа. Исто така, на стопанството и нестопанските дејности да им обезбеди квалитетни инженери кои ќе бидат во состојба да ја зголемат нивната продуктивност, иновативност и конкурентност на пазарот во земјата и надвор од неа. Со својата научно - истражувачка работа Факултетот за информатика ја има обврската да биде носител на постојан техничко-технолошки напредок, информатизација и севкупен развој на земјата.
Покрај редовното образование, Факултетот за информатика може да обезбедува дополнителна едукација за компјутерски експерти и експерти од други области кои бараат соодветни математички и ИТ вештини. Едукацијата на младите истражувачи на постдипломско ниво е особено специфична и индивидуална, а тие треба да се воведуваат во истражувачката и научната работа под менторство на реномирани универзитетски професори.
Визија
Визија на Факултетот за информатика е да биде препознатлива високобразовна установа во областа на математиката, компјутерските науки и инженерство во земјата и пошироко во регионот, спроведувајќи ги највисоките стандарди во наставата, науката и применетите истражувања.