Наташа Стојковиќ

Наташа Стојковиќ е вонреден професор на Факултетот за информатика. Дипломира на Институтот за математика , на Природно математичкиот факултет на Универзитетот “Св. Кирил и Методиј” во Скопје во 2000 и на истиот факултет во 2002 на Институтот за информатика. Mагистрира на истиот факултет на Институтот за информатика во 2009 година (Магистер на информатички науки). Докторира во 2015 на Факултетoт за информатички науки и компјутерско инженерство, на Универзитетот “Св. Кирил и Методиј” во Скопје и се стекнува со звање Доктор на информатички науки. Во периодот од 2003 до 2008 година работи како програмер во компанијата Мак Систем Софтвер.
За време на својата истражувачка работа и образование, учествувала во повеќе локални, COST и Erasmus проекти и е автор или коавтор на над 100 научни трудови објавени во домашни, регионални и меѓународни списанија и конференции. Дополнително, била дел од неколку меѓународни работилници (ESGI – European Study Group with Industry), каде што се остварува соработка меѓу индустриските потреби, математиката и информатиката.
Нејзините научно-истражувачки интереси вклучуваат: математичко моделирање, симулации, надежност на мрежи, теорија на информации, структури и алгоритми на податоци, машинско учење, веројатност, статистика и анализа на податоци. Член е на научниот комитет на следниве конференции: Меѓународната конференција за Информатика и информациски технологии (CIIT) , Меѓународната конференција – ICT Innovations и Меѓународната конференција ЕТИМА. Била МC член на три COST акции: CA19122: European Network For Gender Balance in Informatics (EUGAIN), CA20111:European Research Network on Formal Proofs.и CA15123 : The European research network on types for programming and verification (EUTypes)

Селектирани публикации